Да якіх наступстваў прывядзе рэзкае павышэнне ў Беларусі пенсіі ў два разы, паразважаў у эфіры АНТ прапагандыст Ігар Тур.
— Ці можна прыняць заўтра раніцай рашэнне пра, скажам, тое, каб падняць заўтра раніцай пенсіі ўдвая? Вядома, можна. Няма ніякіх сумневаў, што гэта ў Беларусі вырашаецца вельмі хутка, — расказаў прапагандыст.
Аднак, на думку Тура, ні да чаго добрага такая ініцыятыва не прывядзе.
— Усе пенсіянеры парадуюцца месяц-другі, што відавочна. Далей негатыўныя наступствы гэтага рашэння для ўсёй эканомікі пачнуць рухаць краіну да таго, што пенсіі праз год-другі трэба будзе або змяншаць да памераў нашмат меншых, чым былі першапачаткова, або ствараць рызыку немагчымасці выплаты пенсіі ў поўным аб’ёме ў прынцыпе, — абмаляваў наступствы павелічэння пенсій Тур.
Нагадаем, сярэдняя пенсія па ўзросце беларуса, які не працуе, у жніўні склала 813,25 рубля, паведамлялі раней у Мінпрацы. Гэтая сума на 1,61 рубля большая, чым за месяц да гэтага.
Чытайце таксама
