Ранішні рэйс «Белавіі» вярнуўся ў Мінск адразу пасля ўзлёту. Увагу на гэта звярнуў тэлеграм-канал «МотолькоПомоги».
Раніцай 31 студзеня рэйс «Белавіі» B2975, які вылецеў з Нацыянальнага аэрапорта «Мінск» у 7.54 і скіроўваўся ў Маскву, адразу пасля ўзлёту заняў зону чакання і, зрабіўшы некалькі колаў у небе (выконваючы неабходныя працэдуры), прызямліўся назад у Мінску (MSQ).
Паводле звестак «МотолькоПомоги», на борце Boeing 737−8ZM (EW-457PA) было больш за сорак пасажыраў, а прычына развароту — самалёт не змог прыбраць шасі.
У выніку пасажыры былі адпраўленыя ў Маскву на іншым самалёце авіякампаніі — «танкалёце» EW-254PA, а затрымка склала дзве з паловай гадзіны.