У Барысаве школьніца зладзіла вечарынку. Ад выпітага алкаголю адной з яе сябровак стала дрэнна, дзяўчыну шпіталізавалі, паведамляе неафіцыйны тэлеграм-канал МУС.
14-гадовая барысаўчанка ў адсутнасць бацькоў зладзіла вечарынку, на якую запрасіла сваіх сяброў. Падлеткі запасліся алкаголем — у краме яны папрасілі дарослага пакупніка набыць ім спіртное, той не адмовіў.
«Аднак вечарынка цягнулася нядоўга: адной з дзяўчынак праз моцнае алкагольнае ап’яненне стала дрэнна, і яна страціла прытомнасць. Нарад міліцыі, які прыбыў на выклік, даставіў яе ў бальніцу», — гаворыцца ў паведамленні.
Праводзіцца праверка.